اسلام آباد۔1نومبر(اے پی پی) سعودی عرب دے دارالحکومت ریاض اچ وفاقی وزراء دا سعودی حکام نال اعلیٰ سطحی اجلاس تھئے جیں اچ پاکستان تے سعودی عرب وچال باری سرمایہ کاری دے روڈ میپ تے ڳالھ مہاڑ کیتی ڳئی اتے سعودی وفد دے اڄوکے دورہ پاکستان تے وزیر اعظم دے سعودی عرب دے دورے دی روشنی اچ سانجھے معاہدیں کوں عملی جامہ پواوݨ تے اتفاق کیتا ڳئے ۔ جاری پریس ریلیز موجب سعودی عرب دے وزیر سرمایہ کاری شیخ خالد بن عبدالعز??ز الفالح نال اعلیٰ سطحی وفد دے رلے ریاض اچ پاکستان توں دورے تے ڳئے ہوئے وفاقی وزیر سرمایہ کاری بورڈ، نجکاری اتے مواصلات عبدالعلیم خان اتے وزیر پٹرولیم مصدق ملک اعلیٰ افسراں دے رلے اجلاس منعقد کیتا جیں اچ ݙوہیں ملکاں اچ طے تھیوݨ آلے ایم او یوز تے مختلف شعبیں اچ سرمایہ کاری دے معاہدیں تے عملدرآمد دا جائزہ ڳھدا ڳئے۔ سعودی وزیر سرمایہ کاری شیخ خالد بن عبدالعز??ز الفالح وفاقی وزراء دا سعودی عرب اچ خیر مقدم کریندے آکھیے انھاں دا اڄوکا دورہ پاکستان خوشگوار، مثبت اتے تعمیری رہیے جیں دے تناظر اچ آندی پیشرفت دا جائزہ ڳھدا ویندا پئے ، انھاں وفاقی وزیر سرمایہ کاری بورڈ کوں 25اتے26نومبر کوں سعودی عرب اچ تھیوݨ آلے ایکسپو اچ شرکت دی دعوت ݙیندے پاکستان اچ سرمایہ کاری سانڳے ہر ممکن تعاون دا یقین ݙیوائے ، انھاں آکھیے جو پاکستانی معیشت تے تجارت دے ودھارے اچ ماضی وانڳوں اڳوں وی سعودی عرب بھرپور کردار ادا کریسی تے جنہاں شعبیں دی نشاندہی کیتی ڳئی اے انھاں اچ سرمایہ کاری دا حجم مزید ودھیسوں ۔ آپݨی ڳالھ اچ وفاقی وزیر سرمایہ کاری بورڈ عبدالعلیم خان سعودی حکام کوں ݙسائے جو پاکستان سرمایہ کاری سانڳے اہم شعبیں دی ترجیحی فہرست موجب عملدرآمد یقینی بݨیسی تے سا??گا?? ماحول ݙیوݨ دے نال سعودی سرمایہ کاراں کوں غیر ضروری ??ارروائیاں توں گر??ز اتے ہر طرح دی سہولت ݙیوݨ یقینی بݨیسن ، اساکوں نویں تقاضیں موجب سرمایہ کاری دے امور کوں اڳوں ودھا تے پاک سعودی تعلقات کوں تکڑا کرݨا اے ، ھک مہینے اچ سعودی عرب دے وزیر سرمایہ کاری دی پاکستان آمد تے انھاں دے وختی بعد وزیر اعظم پاکستان دا اتھاں دا دورہ تے وفاقی وزراء دی موجودگی ساݙے مضبوط عزم دا اظہار کیتے ، ایں اعلیٰ سطحی اجلاس اچ سرمایہ کاری سانڳے سعودی اتے وفاقی وزراء وچال فالواپ جاری رکھݨ تے کم دی رفتار ??دھاوݨ تے اتفاق کیتا ڳئے جݙاں جو وفاقی وزراء عبدالعلیم خان اتے مصد ق ملک سعودی وزیر سرمایہ کاری شیخ خالد بن عبدالعز??ز الفالح اتے سعودی حکام نال اظہار تشکر کریندے ݙوہیں ملکاں سانڳے خوش آئند قرار ݙتا ۔ تکنیکی امور کوں وختی مکمل کرݨ سانڳے اہم فیصلیں دی منظوری ݙتی ڳئی جیں دے بعد سرمایہ کاری دا عملی طور تے آغاز تھی ویسی ۔
.jpg)
