لاهور 05 جون (اے پي پي) د اطلاعاتو او خپرونو وفاقي وزير چوهدري فواد حسېن وئيلي دي چې راتلونكې بجټ به زمونږ د حكومت د كاركردګۍ عكاس وي، په بجټ كښې به عام وګړي ته ريليف وركولې شي، په آمدن كښې اضافې او په ګرانې كښې كمي لپاره اقدامات كولې شي، بايد د انتخابي اصلاحاتو پشمول په نورو معاملو اپوزيشن د حكومت ملګرتيا وكړي، حكومت غواړي چې د ټاكنو كميشن په تجرباتي بنيادونو د الېكټرانك ووټنګ مشينونو استعمال وكړي، په قومي ادارو كښې د تېر وخت حكومتونو سياسي بهرتې كړې دي، په فيټف كښې پاكستان لويه بريا ترلاسه كړې. ده دا خبرې د خالي په ورځ مېډيا سره د خبرو په مهال وكړې. د اطلاعاتو او خپرونو وفاقي وزير چوهدري فواد حسېن ووئيل چې د پيپلز ګوند او مسلم ليګ ن د پالېسو په وجه هېواد چې كوم دلدل كښې ښكېل شوے و، نن الحمد لله د دې څخه رابهر شوے. د بجټ د بنيادي اهدافو ذكر كولو سره د اطلاعاتو او خپرونو وفاقي وزير چوهدري فواد حسېن ووئيل چې راتلونكې بجټ به زمونږ د حكومت د كاركردګۍ عكاس وي، په بجټ كښې به عام وګړي ته ريليف وركولې شي، په آمدن كښې اضافې او په ګرانې كښې كمي لپاره اقدامات كولې شي، تنخا اخستونكې طبقې ته به ريليف وركولې شي. ده ووئيل چې د وزيراعظم عمران خان د وژن له مخې فنانس ډله بجټ تياروي. ده ووئيل چې ټوله نړۍ په دې وخت كښې كورونا سره مخ ده، زمونږ په ګاونډي هېواد هند كښې معيشت په دې وخت كښې د منفي 7.3 نه ټيټ دے، په نورو هېوادونو كښې هم معاشي حالات ډېر بدل شوي دي خو زمونږ په هېواد كښې حالات بالكل بدل دي. زمونږ معاشي صورتحال مستحكم او بهتر دے. ده ووئيل چې مونږ اپوزيشن سره په انتخابي اصلاحاتو خبرو ته تيار يو. ده ووئيل چې كله د پيپلز ګوند او مسلم ليګ ن پالېسې كليئر شي ن و معلومه به شي چې مولانا فضل الرحمان څه غواړي. د دې درې واړو قبله د يو بل نه مختلف ده. ده ووئيل چې د پالېسې پرېكړې حكومت ته كول دي، مونږ ته پرېكړه كول دي چې راتلونكې ټاكنې څنګه كول پكار دي. ده ووئيل چې په وفاق او صوبو كښې به بجټ په اسانه منظور شي، د اولس د خېر ښېګړې بجټ دے، د بجټ په منظورې كښې كوم ډول مشكل نه لرو. د يوې پوښتنې په ځواب كښې وفاقي وزير ووئيل چې په پي ټي وي، اے پي پي، سټېل مل او پي آئي اے كښې ډېرې سياسي بهرتې شوې دي. په پي ټي وي كښې د كال 2008م نه تر كال 2018م 2200 خلق بهرتي كړې شوي دي. په دې كښې پنځه فيصده خلق هم په مېرټ نه دي بهرتي كړې شوي. دې سره سره په اے پي پي كښې بنياد كار د خبريالانو دے، د دوي شمېره د 300 نه زياته نه ده او د 600 نه زيات ملازمين پھ غېر صحافي﴿انتظامي﴾ چوكو دي. ده ووئيل چې خورشيد شاه نن وائي چې ما سره ظلم كېږي، چې څومره ظلم ده ادارو سره كړے، بايد هغه يو نيم سل كاله په زندان كښې وساتل شي. د يوې پوښتنې په ځواب كښې ده ووئيل چې په هېواد كښې پرېس آزادي لري، تقريباً 112 پرائيوېټ چېنل او 43 غېر ملكي چېنلز كار كوي. د هندي لابي لخوا پروپېګنډا كولې شي چې په پاكستان كښې د رائې د اظهار آزادي نشته. ده ووئيل چې مونږ د هند لخوا چلېدونكې د 800 نه زياتې وېب پاڼې نيولې وې كومو چې په پاكستان كښې دې ته هوا وركوله چې دلته مېډيا آزادي نه لري. ده ووئيل چې په پاكستان كښې مېډيا مكمل آزادي لري او د دې مثال د نړۍ په كوم بل هېواد كښې نه ترلاسه كېږي. د يوې پوښتنې په ځواب كښې ده ووئيل چې د شهباز شريف نوم په اي سي اېل كښې موجود دے، هغه دې عدالت ته لاړ شي، مونږ به خپل كېس كوو، مونږ ګڼو چې بايد د ده د كېس اورېدنه په ورځني بنياد وشي ، بايد هغه ته سزا وركړې شي.
په بجټ كښې به عام وګړي ته ريليف وركولې شي، بايد د انتخابي اصلاحاتو پشمول په نورو معاملو اپوزيشن د حكومت ملګرتيا وكړي. چوهدري فواد حسېن
مضمون کا ماخذ : ڈوپلا سینا
متعلقہ مضامین
