اسلام آباد ۔ 30 جون (اے پی پی) وزیراعظم محمد نواز شریف اولس مشر ته د وړوكي اختر په مهال دبنديوانو سزا كښې د كمي كول سپارښتنه كړې۔ اولس مشر ته د آئين آرټيكل 45 ترمخه د وړوكي اختر ، عید میلاد النبیۖ، پاكستان ورځ او آزادۍ ورځې په مهال سزاګانو كښې د منظور شوې پالېسۍ په رڼا كښې د كمي كولو اختيار ترلاسه دے۔ اولس مشر د عمر قېد بنديوانو سزا كښې 90ورځو تخفيف كړې۔ ولې دا تخفيف د وژنې ٬ جاسوسۍ ٬ د رياست مخالف سرګرمو كښې ككړو ، فرقه پرستۍ، زنا، ډاكې ٬ اغواء او د ترهه ګرۍ كاروايو كښې ككړو بنديوانو ته وركړې شوې نه دے۔ وزیراعظم د نورو ټولو بنديوانو په سزا كښې د 45 ورځو كمي سپارښتنه كړې۔ ولې دا كمي به هم د سنګين جرمونو بنديوانو ته وركولې نه شي۔ دغسې وزير د 65 كلنو يا دې څخه د زيات عمر بنديوانو ته د باقي پاتې سزا معاف كولو سپارښتنه هم كړې ۔ كومو چې درېمه برخه سزا خوړلې وي۔ بياهم د اكمي د ترهه ګرۍ په ډول سنګين جرمونو كښې ككړو ته وركولې نه شي۔ اولس مشر ته د 60 كلنو يا دې څخه د زيات عمر مېرمنو كومو چې د خپلې سزا درېمه برخه خوړلې او د ترهه ګرۍ په ډول سنګينو جرمونو كښې ككړې نه دي ته د پاتې سزا معاف كولو سپارښتنه هم كړې۔ وزیراعظم د هغه بنديوانو مېرمنو په سزا كښې د يو كال كمي سپارښتنه كړې كومې چې خپلو بچو سره زندان خوري۔ وزیراعظم د 18 كالو نه د كم عمر بنديوانو د ټولې سزا معاف كولو سپارښتنه كړې كومې چې درېمه برخه قېد خوړې او د وژنې ٬ ترهه ګرۍ او نورو سنګينو جرمونو كښې ككړ نه دي۔
وزیراعظم محمد نواز شریف لخوا اولس مشر ته د وړوكي اختر په مهال دبنديوانو سزا كښې د كمي كولو سپارښتنه
مضمون کا ماخذ : مصری ڈریمز ڈیلکس
متعلقہ مضامین
